Boylete

Èn årtike di Wikipedia.
Sauter à la navigation Sauter à la recherche

Wiktionary-logo.svg

Po des linwincieusès racsegnes sol mot "boylete", alez s' vey sol Wiccionaire

Raecinêye simpe, bodje, foyes opôzêyes et fleur

Li boylete, c' est ene plante del famile des mîtrawacêyes, avou des djaenès fleurs ås cénk petales, ki s' cloyèt del nute. C' est ene foirt basse plante, 5 a 15 cm hôte, ki les foitès raecinêyes foncèt droet dins tere.

Ele florit do moes d' avri å moes d' setimbe (å Marok, todi), mågré li tcholeur d' esté. Ele dimane vicante d' ene anêye so l' ôte.

No d' l' indje e sincieus latén : Hypericum tomentosum

Discrijhaedje[candjî | candjî l' côde wiki]

Les ptitès foyes sont opôzêyes.

Li plante sitoclêye et les bodjes crexhnut a môde di rampe, po rcovri tote ene plake di tere. Ene djouxhire griblêye di plantes si prezinte come totes des taetches ki n' si rdjondèt nén.

Li boylete ode come li fnugrek.

Biyonaxhes[candjî | candjî l' côde wiki]

I shonne k' ele crexhe purade so les croupets, aprume e djouxhire soeye-t i e trîxhes, soeye-t i. Ele ni vént waire so les steules. Ele ni vént nén nerén ezès djouxhires si on-z a moenné bråmint a l' ansene so l' dinrêye di dvant.

Prôpietés[candjî | candjî l' côde wiki]

Ele cåze del fototinrûlté åzès bedots a blanke pea ki waidêynut so des tchampiaedjes avou cisse plante la inte li moes d' avri et d' djun. Li cåze, c' est l' ipericene, li minme fototinrûlijhant prodût k' el ci do meytrô). Ele sereut kécfeye prodûte dins l' boton, divant l' florixhaedje.

Mins c' est eto ene yebe ås maladeyes ki sereut restchåfante.

Commons
I gn a so les cmons Wikipedia des imådjes ou fitchîs son a vey avou l' boylete .